Qəzza zolağının sakinləri üçün humanitar yardım aparan 100-ə yaxın yük təyyarəsi indiyədək Misirin Sinay yarımadasının şimalında yerləşən Əl Ariş şəhərinin hava limanına enib. Bu barədə Misir Qızıl Aypara Cəmiyyətinin Şimali Sinay əyalətindəki bölməsinin rəhbəri Hadled Zayed məlumat verib.
“96 təyyarə Qəzza əhalisinə humanitar yardım çatdıran Əl-Ariş hava limanına gəlib”, – Səda əl-Balad xəbər portalı onun sözlərindən sitat gətirib. Zayed 28 dövlət və 13 regional və beynəlxalq təşkilatın fələstinlilərə yardım göndərdiyini açıqlayıb. (Tass)