Sevinc Bayramovanın (Sevinc Afət) “Həsrət yağışı” adlı şeirlər kitabının təqdimatı keçirilib. Bu, təqaüdçü müəllimin ilk şeir kitabıdır.
AZƏRTAC xəbər verir ki, kitaba naşir İsmail Allahverdi ön söz yazıb. Kitabdakı şeirlər Vətən sevgisindən, tələbəlik illərindən, bacı həsrətindən və Allaha münacatlardan ibarətdir.
Təqdimat mərasimində müəllifin tələbə yoldaşları olan alimlər, ziyalılar kitabdakı şeirlərdən danışıb, təbriklərini çatdırıblar.
Sonda Sevinc Afət hər bir iştirakçıya kitabını hədiyyə edib.