Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın 2024-cü ilin yekun monitorinq və qiymətləndirməsinə dair ümumi hesabatın müzakirələrinə start verilib.
İqtisadi İslahatların Təhlili və Kommunikasiya Mərkəzindən AZƏRTAC-a bildirilib ki, müzakirələrdə ötən il hədəflənmiş işlərin icra vəziyyəti müzakirə edilir. “İqtisadi artım”, “Makroiqtisadi dayanıqlılıq”, “İnklüziv sosial inkişaf və sosial təminat”, “İnsan kapitalı və təhsil”, “İnnovasiya”, “Sağlam həyat tərzi”, “Ekoloji məsələlər”, “Yaşıl enerji məkanı” işçi qruplarının görüşləri barədə məlumatı İqtisadi İslahatların Təhlili və Kommunikasiya Mərkəzinin operatoru olduğu www.monitoring.gov.az saytından (Təqvim bölməsindən) əldə etmək mümkündür. Bu rəsmi saytın rəqəmsal təqvimi vasitəsilə görüşlər barədə əvvəlcədən məlumatlar təqdim olunur.