Əmək və Əhalinin Sosial Müdafiəsi Nazirliyi tərəfindən Dünya Bankının maliyyə dəstəyi ilə həyata keçirilən “Məşğulluğa Dəstək Layihəsi” çərçivəsində Xaçmaz şəhərində ictimai dinləmə təşkil ediləcək.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, tədbirdə layihənin hədəf və məqsədləri, əhatə dairəsi barədə məlumat veriləcək. Həmçinin iştirakçılar layihənin icrası zamanı ətraf mühit və sosial məsələlərlə bağlı tələblər, proqramın gözlənilən faydaları, müraciət və iştirak qaydaları haqqında ətraflı məlumatlandırılacaqlar.
İctimai dinləmə iyulun 11-i saat 11:00-da Xaçmaz şəhəri, Bakı prospekti 45 ünvanında yerləşən Xaçmaz KOB evinin akt zalında keçiriləcək.