2022-ci ilin fevral ayından etibarən 60 minə yaxın ukraynalı hərbçi Aİ-nin Ukraynaya Hərbi Təlim Missiyası (EUMAM Ukrayna) çərçivəsində təlim keçib. Bu barədə Euractiv portalı Kiyevin hesablamalarına istinadən xəbər verir .
Nəşr əlavə edir ki, Avropa İttifaqının Ukraynaya hərbi yardımı 39 milyard avronu keçib.
Ukraynanın Aİ-dəki nümayəndəsi Vsevolod Çentsov portalla söhbətində qeyd edib ki, Kiyev yeni rəhbərlik işə başladıqdan sonra Avropa İttifaqı ilə əməkdaşlığı genişləndirməyə ümid edir. Onun sözlərinə görə, Ursula fon der Leyenin yenidən Avropa Komissiyasının rəhbəri, eləcə də Roberta Metsolanın Avropa Parlamentinin sədri seçilməsi “xüsusilə ümidvericidir, çünki hər ikisi ardıcıl olaraq Ukraynanı dəstəkləməyə üstünlük verir”. O əlavə edib ki, hərbi və humanitar dəstəkdən əlavə, Kiyev Aİ-yə daxil olmaq üçün danışıqlarda gələcək addımlara ümid edir. (Tass)
