İsrailin hərbi əməliyyatlarının üç aydan artıqdır davam etdiyi Qəzza zolağında köçkünlərin sayı 1,9 milyon nəfərə çatıb ki, bu da anklav əhalisinin 85%-dən çoxunu təşkil edir. Bu barədə BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyi (UNRWA) məlumat yayıb.
“Köçkünlərin sayı 1,9 milyon nəfərə çatıb ki, bu da Qəzza zolağının bütün əhalisinin 85%-ni təşkil edir”, – Əl-Cəzirə telekanalı BMT strukturunun məlumatlarına istinadən bildirir.
Bu rəqəmlərə görə, Qəzza zolağında təxminən 1,4 milyon köçkün UNRWA-ya bağlı 155 yerdə yaşayır. O da məlum olub ki, hərbi əməliyyatlar başlayandan UNRWA-nın 146 əməkdaşı həlak olub. (Tass)