“Ukroboronprom” dövlət holdinqi NATO-nun 60 mm çaplı minalarının istehsalına başlayıb. Bu barədə holdinqin baş direktoru German Smetanin məlumat verib.
Onun sözlərinə görə, şirkət əvvəllər artilleriya mərmilərinin, eləcə də sovet çaplı minaatanların kütləvi istehsalını qura bilib, indi isə tədricən NATO çaplı sursatlarının istehsalına keçir.
“Biz məhsulların, xüsusən də döyüş sursatlarının istehsalını genişləndirmək üçün əhəmiyyətli miqdarda Ukrayna vəsaitini cəlb edə bildik” deyib.
Eyni zamanda, Smetanin etiraf edib ki, “öz imkanlarımız, hətta istehsalda böyük artım olsa belə, paritet şərtlərlə müharibə aparmaq üçün kifayət deyil. (Tass)