7 milyondan çox ukraynalı qaçqın 2022-ci il fevralın 10-dan sonra Rumıniya ərazisinə daxil olub. Bu barədə Sərhəd Polisinin Baş Müfəttişliyindən məlumat verilib.
Rumıniya hakimiyyəti fevralın 10-dan ölkəyə daxil olan ukraynalıları hesablayır və 10-24 fevral intervalını “münaqişədən əvvəlki dövr” adlandırır. Belə ki, son 24 saat ərzində Rumıniyaya 9 551, 2022-ci il fevralın 10-dan isə 7 008 683 Ukrayna vətəndaşı daxil olub.
Rumıniya, adətən, əksəriyyəti Qərbi Avropa ölkələrinə üz tutan ukraynalılar üçün tranzit ölkə kimi xidmət edir.
Əmək Nazirliyinin məlumatına görə, münaqişə başlayandan Rumıniyada ukraynalılar üçün iki əmək birjası təşkil edilib. Son məlumatlara görə, ölkədə 7 minə yaxın ukraynalı qaçqın əmək müqaviləsi bağlayıb və 19 mini iş axtaran şəxs kimi qeydiyyatdadır. (Tass)
