Al Mayadeen telekanalı atəşin nəticələri barədə məlumat verməyib
/TASS/. İsrail ordusu Livanın cənubunda yerləşən Kfar Kila kəndinin kənarına hücum edib. Bu barədə “Al Mayadeen” telekanalı məlumat yayıb.
Onun sözlərinə görə, atəş zamanı fosforlu sursatdan istifadə edilib. Hücumun nəticələri barədə məlumat verilmir.
Bundan əvvəl “Əl-Cədid” telekanalı Livanın cənubunda İsrailin pilotsuz təyyarəsinin hücumu nəticəsində şiə “Hizbullah” hərəkatının ən azı iki döyüşçünün öldürüldüyünü bildirib. Telekanalın məlumatına görə, Livanla sərhəd Bint Cbeil rayonunda Mays əl-Cebel və Şakra yaşayış məntəqələri arasındakı magistral yolda hərəkət edən pikap yük maşınına hücum edilib.
İyulun 27-də axşam saatlarında İsrail ordusu Livandan ölkənin şimalını növbəti dəfə kütləvi atəşə tutduğunu bildirib. Raketlərdən birinin Məcdəl Şəms kəndindəki futbol meydançasında partlaması nəticəsində 12 uşaq ölüb, 40-a yaxın insan yaralanıb. İsrail hakimiyyəti insidentdə Livan və Hizbullah hərəkatını günahlandıraraq, sərt cavab verəcəyini vəd edib. Hizbullah hadisə ilə bağlı hər hansı əlaqəni inkar edir.