Donald Tusk qeyd edib ki, bu, Avropa İttifaqından çıxarılma yolunda ilk addım olacaq
/TASS/. Avropa İttifaqı Budapeştin Rusiya və Belarus vətəndaşları üçün viza siyasətinin liberallaşdırılması istiqamətində atdığı addımlara cavab olaraq Macarıstanın Şengen zonasından çıxarılması imkanını nəzərdən keçirməməlidir. Bu barədə jurnalistlərə Polşanın Baş naziri Donald Tusk məlumat verib, onun mətbuat konfransı TVP İnfo tərəfindən yayımlanıb.
“Bildiyiniz kimi, Şengen zonasından çıxarılma Avropa İttifaqından çıxarılma yolunda atılan ilk addımdır. Mən dövlətlərin Aİ-dən çıxarılması ilə bağlı bəyanatlarda ehtiyatlı olardım”, – deyə hökumət başçısı qeyd edib. Onun fikrincə, Avropa “macarları özündən uzaqlaşdırmamalıdır”.
Bundan əvvəl bir sıra Avropa KİV-ləri, o cümlədən Financial Times qəzeti yazıb ki, Macarıstan Rusiya Federasiyası və Belarus da daxil olmaqla 8 ölkənin vətəndaşları üçün viza rejimini yüngülləşdirməyə qərar verib.
Avropa İttifaqının qaydalarına görə, hər bir ölkə öz miqrasiya siyasətini və onun tətbiqi qaydasını müəyyən edə bilər. Eyni zamanda, Aİ-yə daxil olmayan ölkələrin vətəndaşları, bir qayda olaraq, 27 icma ölkəsi, həmçinin Norveç və İsveçrənin daxil olduğu Şengen zonasında sərbəst hərəkət etmək imkanı əldə edirlər.