/TASS/. Avqustun 9-da Belarus hava məkanında vurulan Ukrayna pilotsuz təyyarələri ilə bağlı insident radikal eskalasiyaya gətirib çıxara bilər və regionda münaqişə zonasını genişləndirmək üçün təhlükəli cəhddir. Bunu Belarusun BMT-dəki daimi nümayəndəsi Valentin Rıbakov deyib.
“Bu, vəziyyətin köklü şəkildə gərginləşməsinə səbəb ola biləcək son dərəcə ciddi insidentdir və regionumuzda mövcud münaqişə zonasını genişləndirmək üçün çox təhlükəli cəhddir”,-deyə Təhlükəsizlik Şurasının “Arria” mövzusunda keçirilən qeyri-rəsmi iclasında bildirib.
Belarus tərəfdaşlarla, o cümlədən beynəlxalq təşkilatlar vasitəsilə məsləhətləşmələrə başlayıb.