Reuters daha əvvəl bildirmişdi ki, İslam Respublikası nümayəndəsi ABŞ-la diplomatik əlaqələri davam etdirmək üçün pərdəarxası müzakirələrə cəlb oluna bilər.
/TASS/. İran Fələstinin HƏMAS hərəkatı ilə İsrail arasında Qəzza zolağında atəşkəs və anklavda saxlanılan girovların azad edilməsi üzrə danışıqlarda iştirak etmir və iştirak etmək niyyətində deyil. Bu barədə İranın BMT-dəki daimi nümayəndəliyi məlumat verib.
İran diplomatik missiyasının jurnalistlərə yaydığı bəyanatda deyilir: “Biz Misir, Qətər və ABŞ-ın vasitəçiliyi ilə HƏMAS ilə [İsrail] rejimi arasında dolayı danışıqlarda iştirak etməmişik və belə danışıqlarda iştirak etmək niyyətində deyilik”.
Daha əvvəl “Reuters” mənbələrə istinadən xəbər vermişdi ki, İran Qəzza zolağında eskalasiya başlayandan bəri ilk dəfə olaraq Fələstin anklavında atəşkəslə bağlı danışıqlara nümayəndə göndərmək imkanını nəzərdən keçirir. Agentliyin məlumatına görə, İslam Respublikasının nümayəndəsi atəşkəs danışıqları zamanı ABŞ-la diplomatik əlaqələri saxlamaq üçün pərdəarxası müzakirələrdə iştirak edə bilər.