Ukraynanın Ramşteyndəki müttəfiqləri Kiyevə hava hücumundan müdafiə sistemləri və sursatların təhvil verilməsini müzakirə edəcəklər.
ABŞ Müdafiə Nazirliyinin mətbuat katibinin müavini Sabrina Sinq qeyd edib ki, görüş iştirakçıları təmas qrupu çərçivəsində yaradılan koalisiyalar vasitəsilə Kiyevin əlavə ehtiyaclarını da müzakirə edəcəklər.
/TASS/. Ukraynaya Hərbi Yardım üzrə Təmas Qrupu Almaniyadakı Amerikanın Ramşteyn aviabazasında üzbəüz görüşdə Kiyevə hava hücumundan müdafiə avadanlıqları və sursatların tədarükü məsələsini müzakirə edəcək. Bu barədə jurnalistlər üçün keçirdiyi növbəti brifinqdə ABŞ Müdafiə Nazirliyinin mətbuat katibinin müavini Sabrina Sinq bildirib:
“Biz bilirik ki, ukraynalılar üçün hava hücumundan müdafiə əsas prioritetlərdən biridir. Bu, sabah mütləq müzakirə olunacaq”.
Sinq əlavə edib ki, görüş iştirakçıları təmas qrupu çərçivəsində yaradılan koalisiyalar vasitəsilə Kiyevin əlavə ehtiyaclarını da müzakirə edəcəklər.
Ramstein bazasında növbəti görüş sentyabrın 6-da baş tutacaq. Burada ABŞ-ın müdafiə naziri Lloyd Ostin iştirak edəcək.
Rusiya xüsusi hərbi əməliyyata başlayandan bəri Qərb dövlətləri Ukraynaya silah tədarükünü dəfələrlə artırıb. Eyni zamanda, Kiyev öz tərəfdaşlarından daim daha müasir modellər və uzaq mənzilli raketlər istəyir. Rusiya tərəfi dəfələrlə vurğulayıb ki, Qərbin Kiyevə silah göndərməsi və Ukrayna hərbçilərinin təliminə yardım etməsi yalnız münaqişəni uzadır və döyüş meydanında vəziyyəti dəyişmir.