Media: ABŞ girovlarını azad etmək üçün HƏMAS-la birbaşa razılıq əldə edə bilər.
“The Daily Telegraph” yazır ki, Vaşinqton artıq İsrailin iştirakı olmadan girovların azad edilməsi üçün birtərəfli razılaşmanın mümkünlüyünü araşdırmağa başlayıb.
TASS/. ABŞ amerikalı girovların azad edilməsi üçün Fələstinin HƏMAS radikal hərəkatı ilə birbaşa danışıqlara başlaya bilər. Bu barədə Britaniyanın “The Daily Telegraph” (DT) qəzeti mənbələrə istinadən məlumat yayıb.
Qəzza zolağında münaqişənin həlli üçün davam edən danışıqlardan xəbəri olan və adı açıqlanmayan İsrail rəsmisi bildirib ki, Vaşinqton artıq İsrailin iştirakı olmadan girovların azad edilməsi üçün birtərəfli razılaşmanın mümkünlüyünü araşdırmağa başlayıb.
Nəşr əlavə edib ki, hazırda bu razılaşmaların necə görünə biləcəyi və ABŞ-ın bunun müqabilində HƏMAS-a nə təklif edəcəyi bəlli deyil.
HƏMAS-ın ABŞ prezidentinin yeni təklifinə cavab vermək üçün bir həftə vaxtları olacaq.
Bundan əvvəl ABŞ hökuməti Qəzzada atəşkəslə bağlı Netanyahu ilə danışıqların gedişatını qiymətləndirməkdə açıq şəkildə fərqlənirdi. Vaşinqton administrasiyasının nümayəndələri iddia edirdilər ki, Amerikanın yeni planı əslində 90% razılaşdırılıb. Eyni zamanda, Netanyahu faktiki olaraq bu bəyanatları təkzib edib.