Ekvador prezidenti ölkədə xarici bazaların yerləşdirilməsi üçün konstitusiyaya dəyişiklik etməyi təklif edib.
TASS/. Ekvador prezidenti Daniel Noboa ölkədə xarici hərbi bazaların yaradılmasına qoyulan qadağanın aradan qaldırılması üçün konstitusiyaya dəyişiklik edilməsi təklifini parlamentə təqdim edəcək.
“Bu gün biz Milli Assambleyaya Ekvadorda hərbi məqsədlər üçün istifadə edilən xarici hərbi bazaların və qurğuların yaradılmasını qadağan edən 5-ci maddəyə dəyişiklik etmək üçün konstitusiyanın qismən islahat layihəsini təqdim edəcəyik ”, – deyə dövlət başçısı tvitter sosial şəbəkəsindəki səhifəsində yayımlanan videoda bildirib.
2008-ci ildə qəbul edilmiş konstitusiyaya Ekvadorda xarici bazaların yaradılmasını qadağan edən maddə daxil edilib.