Rusiya “İslam Dövləti” (İD, 2014-cü ilə qədər – “İraq və Şam İslam Dövləti” (İŞİD), Rusiya Federasiyasında qadağan olunub) terror qruplaşmasının Əfqanıstanda şiə azlığına qarşı törətdiyi terror aktını qətiyyətlə pisləyir. Bu barədə Rusiya diplomatik xidmətinin rəsmi nümayəndəsi Mariya Zaxarovanın Xarici İşlər Nazirliyinin saytında dərc olunmuş şərhində deyilir.
“Biz İŞİD qruplaşmasının Əfqanıstanda şiə azlığına qarşı törətdiyi növbəti terror aktını qətiyyətlə pisləyirik”, – diplomat bildirib.
“Oktyabrın 13-də Əfqanıstanın Puli Xumri şəhərində şiə məscidində baş verən partlayış nəticəsində 17 nəfərin öldüyü, 50-dən çox insanın yaralandığı bildirilir. Həlak olanların ailələrinə və yaxınlarına dərin hüznlə başsağlığı veririk və zərərçəkənlərin tezliklə sağalmasını arzulayıram”, – deyə Zaxarova əlavə edib. (Tass)