İsrail Hərbi Hava Qüvvələrinə məxsus təyyarələr İranyönlü şiə Hizbullah təşkilatının xarici təhlükəsizlik xidmətinin rəhbəri Təllal Hamini öldürmək məqsədi ilə Livan paytaxtının mərkəzi hissəsinə hücum edib. Dubaydan yayımlanan Al Hadath telekanalı təhlükəsizlik zabitinin hava hücumu zamanı həlak olub-olmadığını və ya sağ qaldığını göstərmədən bu barədə məlumat yayıb.
Al Hadath-ın məlumatına görə, vurulan Əl-Bosta əl-Favqa bölgəsində 8 mərtəbəli bina tamamilə dağılıb, daha beş qonşu binaya ziyan dəyib.
Respublika Səhiyyə Nazirliyi yanında Təcili Yardım Mərkəzi daha əvvəl İsrailin hücumu zamanı 4 nəfərin öldüyünü, yaralıların sayının 23-dən 33-ə yüksəldiyini bildirmişdi. (Tass)