Rusiya prezidenti Vladimir Putinin Astanaya dövlət səfəri zamanı Qazaxıstan və Rusiya 20 saziş bağlamağı planlaşdırır. Bunu Qazaxıstan Prezidenti Kasım-Jomart Tokayev deyib.
“Səfər ərəfəsində hökumət üzvləri işlədilər və gündəlikdəki bütün məsələləri müzakirə etdilər”, – deyə Tokayev Putinlə dar tərkibdə danışıqlar zamanı bildirib. Bu barədə Qazaxıstan liderinin mətbuat xidməti məlumat yayıb.
Qazaxıstan prezidenti həmçinin qeyd edib ki, Astana və Moskva “ikitərəfli tərəfdaşlığın müsbət dinamikasını nəinki qoruyub saxlamağa, həm də artırmağa müvəffəq olub”.
Mətbuat xidmətinin məlumatına görə, dar tərkibdə keçirilən danışıqlarda Putin və Tokayev sənaye əməkdaşlığı, energetika, neft-qaz sənayesi, enerji resurslarının tranziti, maşınqayırma, nəqliyyat və logistika, maliyyə, ekologiya və su siyasəti sahələrində qarşılıqlı fəaliyyət perspektivlərini müzakirə ediblər.
Putin noyabrın 27-də Qazaxıstana dövlət səfərinə gəlib. Noyabrın 28-də Rusiya prezidenti Kollektiv Təhlükəsizlik Müqaviləsi Təşkilatının Astanada keçiriləcək sammitində də iştirak edəcək. (Tass)