Livan Silahlı Qüvvələri Respublika hökumətinin göstərişinə uyğun olaraq cənub sərhəddinə əlavə hərbi kontingentin yerləşdirilməsi əməliyyatına başlayıb. Bu barədə Livan ordusunun komandanlığının NNA-ya istinadən verdiyi məlumatda deyilir.
Mətndə deyilir: “Mexanikləşdirilmiş bölmələr daha sonra BMT-nin Livandakı Müvəqqəti Qüvvələri ilə əlaqələndirilərək cənub sərhəd sektorlarına keçmək üçün bir neçə bölgədən Litani çayına köçürülür”.
Bildirilir ki, bu əməliyyat “Livan hökumətinin BMT Təhlükəsizlik Şurasının 1701 saylı qətnaməsinin bütün müddəalarını yerinə yetirmək öhdəliyinə uyğun olaraq həyata keçirilir”. (Tass)