Suriyada Əsəd rejiminə qarşı hücumlarını davam etdirən və Hələb, İdlib və Həma vilayətlərini ələ keçirən müxalif qruplaşmanın liderinin Rusiyanın hava hücumunda öldürüldüyü iddia edilib. Rusiya təyyarələrinin Hələb hücumu nəticəsində öldürüldüyü deyilən Əhməd Hüseyn əl-Şar ABŞ tərəfindən 10 milyon dollar mükafatla Xüsusi Təyin olunmuş Qlobal Terrorçu kimi axtarılırdı.
Onun qruplaşması, “Həyat Təhrir əl-Şam” və ya vaxtilə “Cəbhət ən-Nusra” kimi tanınan HTS ABŞ, Rusiya, Türkiyə və digər dövlətlər tərəfindən terror qruplaşması elan edilib. Suriya prezidenti Bəşər Əsəd Moskvanın yaxın müttəfiqidir.