Birləşmiş Ərəb Əmirliklərinin prezidenti Şeyx Məhəmməd bin Zayed Əl Nəhyan suriyalı həmkarı Bəşər Əsədlə telefon danışığı zamanı terrorizm və ekstremizmlə mübarizədə Suriyaya dəstəyini ifadə edib. Bu barədə Əmirliyin WAM agentliyinin iki ölkə liderləri arasında söhbətdən sonra yayılan hesabatında deyilir.
Agentlik həmçinin bildirib ki, Əl Nəhyan “qardaş Suriya xalqının sabitlik və inkişaf istəklərini həyata keçirmək üçün Suriya böhranının sülh yolu ilə həllinə yönəlmiş istənilən səyləri” dəstəkləyir. Bundan əlavə, BƏƏ prezidenti Suriyanın birliyinin və ölkənin bütün əraziləri üzərində suverenliyinin təmin edilməsinin zəruriliyinə diqqət çəkib.
Noyabrın 30-da Suriya ordusu mülki əhalinin və hərbçilərin həyatını xilas etmək üçün Hələbdə terror hücumunu dəf edərkən qüvvələrini yenidən toplamaq məcburiyyətində qaldığını və hazırda əks-hücuma hazırlaşdığını bildirib. Əsəd BƏƏ prezidenti ilə söhbətində bildirib ki, Suriya müttəfiqlərinin və dostlarının köməyi ilə terrorçuları məğlub etməyə qadirdir. (Tass)