Vaşinqton Kiyevin 2025-ci il yanvarın ortalarına kimi yüz minlərlə artilleriya mərmisi və minlərlə raket də daxil olmaqla, Amerika hərbi yardımı alacağını gözləyir və əlavə ələ keçirən raketlərin tədarükü də planlaşdırılır. Bu barədə prezidentin milli təhlükəsizlik üzrə köməkçisi Ceyk Sallivanın bazar ertəsi dərc olunmuş bəyanatında deyilir.
Açıqlamaya görə, ABŞ prezidenti Co Bayden sentyabr ayında “Ukraynaya hərbi yardımın artırılmasını elan edib”. “Bu səylərin bir hissəsi olaraq, o, köməkçilərinə Ukraynanın müdafiəsi üçün bütün mövcud vəsaitdən tam istifadə etməyi tapşırıb” deyib Sullivan. O xatırladıb ki, dekabrın 2-də Birləşmiş Ştatlar Kiyevə “əhəmiyyətli miqdarda artilleriya mərmiləri, raketlər və hava hücumundan müdafiə texnikası” daxil olmaqla 725 milyon dollar məbləğində daha bir hərbi yardım paketi ayırdığını elan edib.
“Prezident ABŞ Müdafiə Nazirliyinə Ukraynanın özünü müdafiə etmək üçün lazım olan texnikaya malik olmasını təmin etmək üçün təxirə salınmadan hərbi məhsulları çatdırmağı tapşırıb. İndi və yanvarın ortaları arasında biz yüz minlərlə əlavə artilleriya mərmisi, minlərlə raketlər və digər kritik sistemlər çatdıracağıq”, – sənəddə vurğulanır. (Tass)