Azərbaycanın Latviyadakı səfirliyi Riqa Beynəlxalq Qadınlar Klubu tərəfindən təşkil edilmiş İllik Beynəlxalq Milad Yarmarkasında təmsil olunub.“Report” xəbər verir ki, bu barədə səfirliyin mətbuat xidməti sosial şəbəkədə bildirib.“Azərbaycan səfirliyi Riqa Beynəlxalq Qadınlar Klubu tərəfindən təşkil edilmiş İllik Beynəlxalq Milad Yarmarkasında iştirak etməkdən məmnun olub. Biz iştirakımız vasitəsilə Latviyada xeyriyyə təşkilatlarını dəstəkləməkdən və Azərbaycan mədəniyyəti və mətbəxini təqdim etməkdən şad olduq. Təşkilatçılara və stendimizi ziyarət etmiş hər kəsə səmimi təşəkkürümüzü bildiririk!”, – diplomatik nümayəndəliyin “X” səhifəsindəki paylaşımında qeyd olunub.
