Fələstinin radikal HƏMAS hərəkatı və İordan çayının qərb sahilində böyük rol oynayan Fəth partiyası münaqişənin sona çatmasından sonra Qəzza zolağının idarə olunması üçün razılığa gəliblər. Bu barədə AFP danışıqların adı açıqlanmayan iştirakçılarına istinadən məlumat yayıb.
Onların məlumatına görə, tərəflər Qahirədə aparılmış danışıqlardan sonra saziş layihəsini bəyəniblər. Sənədə əsasən, 10-15 nəfərin daxil olacağı komitə humanitar yardım, təhsil, səhiyyə, iqtisadiyyat və münaqişə başa çatdıqdan sonra Qəzza zolağının yenidən qurulmasına cavabdeh olacaq. (Tass)