Suriyanın şimalında Hələb şəhərində silahlı qruplaşmaların yaraqlıları arasında toqquşmalar baş verib. Bu barədə Ərəb Respublikasının Radio və Televiziya Baş İdarəsi yerli mənbələrə istinadən məlumat yayıb.
Onların məlumatına görə, sakinlər vaxtaşırı atışma səsləri eşidir, qarşıdurmaların əksəriyyəti “əmlakın oğurlanması ilə bağlı fikir ayrılığı” nəticəsində baş verir. Mənbələrin məlumatına görə, terrorçular qənimətin bir hissəsini İdlib vilayətinə göndərirlər.
SANA agentliyi bir gün əvvəl Hələbin bir sıra məhəllələrini zəbt etmiş yaraqlıların quldurluqla məşğul olduğunu, yerli sakinlərin oğurlanması hallarının da məlum olduğunu bildirmişdi. (Tass)