Cənubi Koreya prezidenti Yoon Seok-yeol çərşənbə axşamı tətbiq etdiyi hərbi vəziyyətin ləğvi üçün hələ də addım atmayıb. YTN telekanalının məlumatına görə, ölkə rəhbəri bu rejimin ləğvi tələbi ilə parlamentin ona göndərdiyi rəsmi bildirişə hələ də cavab verməyib.
Kanal qeyd edir ki, hələlik prezident və ya onun administrasiyası tərəfindən heç bir rəsmi reaksiya olmayıb.
Çərşənbə günü gecə Cənubi Koreya prezidenti “Şimali Koreya tərəfdarı qüvvələri təmizləmək və liberal konstitusiya quruluşunu qorumaq üçün” hərbi vəziyyətin tətbiq edildiyini elan etdi. Onun sözlərinə görə, ona qarşı impiçment prosedurunu həyata keçirmək cəhdləri hakimiyyəti iflic etmək təhlükəsi yaradır. Ölkə parlamenti hərbi vəziyyətin ləğvinə səs verib. İclasda 300 deputatdan 190-ı iştirak edib, onlar yekdilliklə qərar qəbul ediblər. Parlamentin sədri Vu Von-sik Müdafiə Nazirliyinə və prezidentə bildiriş göndərib.
Qanuna görə, belə bir vəziyyətdə parlament bu barədə prezidentə məlumat verməlidir, o, əməl etməyə və hərbi vəziyyəti ləğv etməyə borcludur. Müxalifətdə olan Koreyanı Dirçəltmə Partiyasının sədri Ço Quk bildirib ki, Yun Seok-yeol Milli Assambleyanın qərarına tabe olmamağı cinayət hesab edəcək. (Tass)