Macarıstanın xarici işlər və xarici iqtisadi əlaqələr naziri Peter Siyarto NATO ölkələrinin Ukraynadakı münaqişənin davam etdirilməsinə yönəlmiş son təşəbbüslərini son dərəcə təhlükəli adlandırıb. Brüsseldə Şimali Atlantika Alyansı ölkələrindən olan həmkarları ilə görüşdə iştirak edən Macarıstan Xarici İşlər Nazirliyinin rəhbəri hesab edir ki, onlar Ukraynanın son gənc əsgərinə qədər döyüşməsini istəyirlər.
“NATO-Ukrayna Şurasının dünənki iclasında sərt təkliflər irəli sürülüb. Belə görünür ki, indi bəzi liderlər Ukraynanın təkcə son əsgərinə qədər deyil, sonuncu gənc əsgərinə qədər döyüşməsini istəyir. NATO liderlərinin hərbi xidmətə çağırış yaşının azaldılmasında israrlı olması faktı bunu sübut edir. Hərbi xidmətə çağırış yaşını azaltmaq, silah vermək və [Ukrayna əsgərlərini] öyrətmək əvəzinə sülh, atəşkəs və sülh danışıqları haqqında danışmaq lazımdır”, – deyə Sijyarto Facebook-da yazıb.
Nazir qeyd edib ki, NATO ölkələrinin diplomatik idarə rəhbərlərinin çərşənbə axşamı Brüsseldə başlayan görüşü çərşənbə günü də davam edir. (Tass)