ABŞ-ın yeni seçilmiş prezidenti Donald Trampın Keyt Kelloqun Ukrayna münaqişəsinin həllində mümkün iştirakı gərginliyin artmasına səbəb ola bilər. Bu fikri “The American Conservative” jurnalının köşə yazarları bildirib.
Onların hesablamalarına görə, Trampın Ukrayna üzrə köməkçi və xüsusi elçi postuna “Rusiya və onun maraqları haqqında heç nə bilməyən” Kelloqun namizədliyini irəli sürməsi respublikaçıların münaqişəni 24 saat ərzində bitirmək barədə seçki vədini yerinə yetirmək perspektivini şübhə altına alır. Buna səbəb kimi müəlliflər Kelloqun böhranın həlli ilə bağlı fikirlərinin prezident Co Bayden administrasiyasının yanaşmaları ilə üst-üstə düşdüyünü və Kiyevin maksimalist təlimatlarına əsasən uyğun gəldiyini qeyd edirlər.
Xüsusilə, Kelloq daha əvvəl Ukraynanın Rusiyanın azad etdiyi ərazilərə iddialarını qoruyaraq atəşkəs əldə etməyi, Kiyevə NATO və Aİ-yə mümkün üzvlük də daxil olmaqla təhlükəsizlik zəmanətlərini verməyi və Ukraynaya silah yeritmək siyasətini davam etdirməyi təklif edib. Jurnalın müşahidəçilərinin fikrincə, bu cür yanaşma böhranın həllinə kömək etməyəcək, əksinə onun daha da kəskinləşməsinə səbəb olacaq.
Dekabrın 4-də “Reuters” xəbər verib ki, Tramp Ukraynadakı münaqişənin həlli planını komandasında mövcud olan üç variant arasından seçir. Onlardan biri Kellogg tərəfindən hazırlanmışdır. O, Moskva danışıqlara razı olmasa, Kiyevə yardımı artırmağı təklif edir. (Tass)