Bu gün Böyük Britaniyanın Dövlət İnvestisiya Təşkilatının baş direktoru Çarlz Donaldın rəhbərliyi ilə İqtisadi Əməkdaşlıq və İnkişaf Təşkilatının (OECD) nümayəndə heyəti, Azərbaycan İnvestisiya Holdinqinin rəhbər şəxsləri, “Bakı Fond Birjası” QSC-nin Müşahidə Şurasının sədri Fərid Axundov, İdarə Heyətinin üzvləri, eləcə də “Azərbaycan Fond Bazarı İştirakçılarının Assosiasiyası” İctimai Birliyinin icraçı direktorunun iştirakı ilə görüş keçirilib.
“Report” bu barədə Assosiasiyaya istinadən xəbər verir.
Məlumata görə, görüşün əsas məqsədi yerli kapital bazarının inkişaf imkanlarının müzakirəsi və bu sahədə təcrübə mübadiləsinin aparılması olub.