Belçika hökumət dəyişikliyindən sonra Suriyanın “təhlükəsiz ölkə” olub-olmaması məsələsi həll olunana qədər suriyalılara sığınacaq verilməsi prosedurlarını dayandırıb. Bu barədə Belçikanın Belqa agentliyi məlumat yayıb.
Onun sözlərinə görə, Belçikanın Qaçqınlar və Vətəndaşlığı olmayan Şəxslər üzrə Baş Komissarlığı “Suriyadan olan insanlara qaçqın statusu verilməsi üçün bütün prosedurları dayandırıb”. Komissarlığın rəsmi nümayəndəsi Olivier Brasseur qeyd edib ki, “Suriyadakı vəziyyət mümkün qayıdış risklərini qiymətləndirmək üçün çox qeyri-müəyyəndir”. Bütün sənədlərə baxılması dayandırılıb.
Agentliyin məlumatına görə, 11 milyon əhalisi olan Belçikada son 10 ildə Suriyadan olan 35 min nəfər rəsmi qaçqın statusu alıb.