Ulu Öndər Heydər Əliyevin vəfatının 21-ci ildönümü Gürcüstanda qeyd olunub.
“Report”un yerli bürosu xəbər verir ki, dekabrın 12-də Azərbaycanın Gürcüstandakı səfiri Faiq Quliyev, səfirlik əməkdaşları, Gürcüstandakı Azərbaycanlı İş Adamları Birliyinin (AZEBİ) İdarə Heyətinin sədri Nəriman Qurbanov, SOCAR-ın Gürcüstan nümayəndəliyinin rəhbərliyi və əməkdaşları Tbilisidəki Heydər Əliyev adına parkda Ümummilli Liderin abidəsi önünə əklil və gül dəstələri düzüb, xatirəsini ehtiramla yad ediblər.
Daha sonra Ulu Öndərin Kür çayının sağ sahəsindəki Xatirə lövhəsi və Rustavi şəhərindəki abidəsi də ziyarət olunub.
Qeyd edək ki, dünya şöhrətli siyasi xadim Heydər Əliyevin vəfatının 21-ci ildönümü ilə əlaqədar Gürcüstanın müxtəlif bölgələrində anım tədbirləri, sərgi və “dəyirmi masa”lar təşkil olunub.