Bu yaxınlarda keçirilən parlament seçkilərinin nəticələrinə görə formalaşan Litvanın Nazirlər Kabineti bir həftədən sonra Ukraynaya səfər edəcək. Bu barədə jurnalistlərə baş nazir Gintautas Paluckas məlumat verib.
“Dekabrın 20-də həm şəxsən mən, həm də Nazirlər Kabineti Ukraynaya səfərə dəvət almışıq. Biz səfər planlaşdırmışıq”, – o deyib.
Respublika hökuməti başçısının sözlərinə görə, səfərə hazırlıq gedir. “Təfərrüatlar dəqiqləşdirilir, logistika və təhlükəsizlik məsələləri həll olunur”, – o qeyd edib.
Paluckas nümayəndə heyətinin tərkibini dəqiqləşdirməyib. Litvada 14 nazirlik var. Nazirlər Kabinetinin üzvləri cümə axşamı Seymdə (parlament) and içərək vəzifələrinin icrasına başlayıblar. (Tass)