Bütün Belarus diplomatları Suriyanı tərk edib. Bu barədə Belarus Xarici İşlər Nazirliyinin mətbuat xidməti məlumat yayıb.
“Mövcud vəziyyəti nəzərə alaraq, Belarusun Suriyadakı səfirliyinin diplomatları Minskə geri çağırılıb, Belarusun Suriyadakı səfiri Yuri Sluka məsləhətləşmələr üçün bir müddət paytaxtda olacaq. Vəziyyətin dərindən qiymətləndirilməsi üçün”, – XİN qeyd edib.
Belarus Xarici İşlər Nazirliyi Belarus diplomatlarının “vətənlərinə təhlükəsiz gəlişini təmin edən bütün rusiyalı həmkarlarına” minnətdarlığını bildirib.
Nazirlikdən verilən məlumata görə, “konsulluq fəaliyyətini davam etdirmək və vətəndaşlara mümkün yardım göstərmək üçün” Beyrutda Belarusun Suriyadakı səfirliyinin müvəqqəti konsulluğu yaradılıb. (Tass)