Tacikistan Prezidenti Emoməli Rəhmon Rusiya lideri Vladimir Putinə mədəni-humanitar sahədə layihələri dəstəklədiyinə görə minnətdarlığını bildirib.
“Biz mədəni-humanitar sahədə göstərilən dəstəyə, istedadlı uşaqlar üçün məktəb və Mayakovski teatrının tikintisinə vəsait ayrılmasına görə çox minnətdarıq”, – deyə Rəhmon Leninqrad vilayətində Putinlə görüşdə bildirib.
Bundan əvvəl Rusiyanın Düşənbədə İstedadlı Uşaqlar üçün Beynəlxalq Təhsil Mərkəzinin və Vladimir Mayakovski adına Dövlət Rus Dram Teatrının tikintisinə vəsait ayırdığı bildirilirdi. Bu layihələrin 2 il ərzində həyata keçirilməsi planlaşdırılır.
İki prezident arasında danışıqlar İqora kurortunda (Leninqrad vilayəti) keçirilir. Bu gün üçün planlara təkbətək söhbət və iş yeməyi zamanı ünsiyyət daxildir. (Tass)