Moskva nüvə silahından istifadənin riskləri ilə bağlı “məsələni qızışdırmaq” istəmir, lakin heç kim Rusiyanın səbrini sınamamalıdır. Bunu Rusiyanın xarici işlər naziri Sergey Lavrov “ Rossiya-1 ” telekanalının “60 dəqiqə” verilişində deyib.
“Biz nüvə silahından istifadənin riskləri məsələsini qızışdırmaq istəmirik; biz nüvə müharibəsində qalibin ola bilməyəcəyi düsturundan qətiyyətlə çıxış edirik”, – Rusiya XİN rəhbəri bildirib.
“Lakin mən heç kimə tövsiyə etməzdim ki, bizim səbrimizi, qanuni milli maraqlarımızı bütün mümkün vasitələrlə müdafiə etmək əzmimizi sınasın”, – Lavrov vurğulayıb.
O xatırladıb ki, Rusiya prezidenti Vladimir Putin dekabrın 19-da birləşmiş birbaşa xətt və geniş mətbuat konfransı zamanı, eləcə də digər çıxışlarında bu mövzuda ətraflı danışıb. “Biz həqiqətən ümid edirik ki, qulağı olanlar eşidəcək, beyni olanlar isə anlayacaq”, – Rusiya Xarici İşlər Nazirliyinin rəhbəri bildirib. (Tass)