Rusiyanın Banqladeşdəki yeni səfiri Aleksandr Xozin etimadnaməsini ölkə prezidenti Məhəmməd Şahabuddin Çuppa təqdim edib. Bu barədə Rusiyanın respublikadakı səfirliyi məlumat yayıb.
“2024-cü il dekabrın 30-da Rusiya Federasiyasının fövqəladə və səlahiyyətli səfiri Aleksandr Qriqoryeviç Xozin etimadnaməsini Banqladeş Xalq Respublikasının Prezidenti Məhəmməd Şahabuddinə təqdim edib”, – diplomatik missiyanın Telegram kanalında deyilir.
Səfirlikdən bildirilib ki, söhbət zamanı ikitərəfli münasibətlərin inkişaf perspektivləri ətrafında fikir mübadiləsi aparılıb.
Prezident aparatının fəxri qonaqları üçün kitabda səfir qeyd edib: “Səfir kimi işlədiyim müddətdə Dəkkə ilə Moskva arasında dostluq əlaqələrinin ölkələrimiz arasında qarşılıqlı faydalı əməkdaşlıq sayəsində çiçəklənəcək və möhkəmlənəcəyinə ürəkdən ümid edirəm”.
Xozin bu vəzifədə 2021-ci ildən Banqladeşdəki diplomatik missiyaya rəhbərlik edən Aleksandr Mantıtskini əvəz edib. (Tass)