Dəməşq və Hələb beynəlxalq hava limanları 7 yanvar 2025-ci il axşam saatlarına qədər yalnız mülki aviasiya sahəsində tənzimləyici dövlət orqanının xüsusi icazəsi ilə təyyarələrin qəbulunu və göndərilməsini davam etdirəcək. Bu barədə TASS-a Dəməşq uçuş məlumatı regionunun nəzarət xidməti məlumat verib.
“Mülki aviasiyaya nəzarət orqanının xüsusi icazəsi ilə həyata keçirilən uçuşlar istisna olmaqla, Dəməşq hava limanına/hava limanından, eləcə də Hələb hava limanına/hava limanından bütün uçuşlar Ümumdünya vaxtı ilə 7 yanvar 2025- ci il saat 20:00-a ( Bakı vaxtı ilə 00:00) qədər dayandırılıb” , – dispetçer xidmətindən bildirilib.
Bundan əvvəl Suriya hava məkanının bütün istifadəçilərinə yayılan NOTAM mesajına əsasən, Dəməşq və Hələb hava limanları üçün xüsusi əməliyyat rejiminin yanvarın 1-i axşama qədər davam edə biləcəyi qeyd edilib. (Tass)