Livan ordusunun əsgərləri Suriya ilə sərhəddən qeyri-qanuni yolla ölkəyə daxil olmağa çalışan bir qrup silahlı yaraqlının yolunu kəsib. Bu barədə X.-də yerləşdirilmiş hərbi komandanlığın kommünikesində deyilir.
Məlumata görə, insident cümə günü ordu patrulunun qanunsuz yaradılmış Maarabun-Baalbek sərhəd keçidini bağladıqdan sonra baş verib.
“Bir qrup silahlı suriyalı qaçaqmalçıların istifadə etdiyi sərhəddən keçən keçidi buldozerdən istifadə edərək yenidən açmağa çalışıb”, mətndə deyilir: “Hərbçilərimiz havaya xəbərdarlıq atəşi açıb, buna cavab olaraq Suriya tərəfdən atəş açılıb Livan Silahlı Qüvvələrinin leytenantı yaralanıb”.
Silahlılarla atışma başlayandan sonra sərhədin bu sektorunda yerləşən ordu bölmələri əlavə təhlükəsizlik tədbirləri görüb.