Yəmənin “Ənsar Allah” üsyançı hərəkatından olan husilər İsrailin Təl-Əviv və Aşkelondakı hədəflərinə pilotsuz təyyarələrlə zərbələr endirib. Bu açıqlama ilə qiyamçıların hərbi nümayəndəsi Yəhya Sariya çıxış edib.
“Bu gün günortadan sonra Hərbi Hava Qüvvələri iki əməliyyat həyata keçirib, birincisi zamanı iki pilotsuz uçuş aparatından istifadə etməklə işğal altındakı Yaffada (Tel-Əviv) İsrailin düşmən hərbi obyektinə zərbə endirilib”, – silahlı qüvvələrin nümayəndəsi bildirib. Saria əlavə edib ki, Aşkelondakı “vacib hədəfə” qarşı daha bir dron buraxılıb. (Tass)