Rumıniyada ilk metapnevmovirus xəstəliyi Bihor qraflığında (ölkənin şimal-qərbində) qeydə alınıb.
Bu barədə mahalın səhiyyə şöbəsinin müdiri Kalin Sonya məlumat verib.
“Yanvarın 8-də Bihorda bir xəstədə [metapneumovirus] HMPV-nin ilk hadisəsi təsdiqləndi və Cantacuzino İnstitutunda aparılan testlərdən sonra onun ştammı da müəyyən ediləcək” deyib.
Sonyanın sözlərinə görə, 67 yaşlı xəstə ölkədən kənara çıxmayıb və buna görə də mahalın tibb orqanları epidemioloji araşdırmaya başlayıb. Sonya əlavə edib ki, xəstə xəstəxanaya yerləşdirilib, təcrid olunub, vəziyyəti stabildir. (Tass)