ABŞ Müdafiə Nazirliyinin rəhbərliyi hesab edir ki, ABŞ-ın yeni seçilmiş prezidenti Donald Trampın komandasına səlahiyyətlərin verilməsi rəvan gedir. Bu barədə Pentaqonun mətbuat katibi Patrik Rayder jurnalistlər üçün keçirdiyi növbəti brifinqdə bildirib.
“Biz hələ də departament rəhbərliyi ilə planlaşdırılan görüşləri görürük. Bu günə qədər keçid qrupu ilə 160-dan çox görüş keçirilib. Biz həmçinin keçid qrupunun məlumat üçün 105-dən çox sorğusuna cavab vermişik”, – ABŞ hərbi sözçüsü deyib.
“Hər şey, bütün göstəricilərə görə, rəvan davam edir və biz əminik ki, gələn həftə (20 yanvar ) səlahiyyətlərin ötürülməsinə hazır olacağıq” deyib Rayder. (Tass)