ABŞ-ın yeni seçilmiş prezidenti Donald Tramp İrana qarşı “maksimum təzyiq strategiyası”na, o cümlədən yeni böyük sanksiyalar paketinə qayıtmağı düşünür. Bu barədə Bloomberg mənbələrə istinadən məlumat yayıb.
Məhdudlaşdırıcı tədbirlər hələ fevral ayında tətbiq oluna bilər və İranın neft sənayesindəki əsas oyunçulara təsir edəcəyi gözlənilir. Mənbələr bildiriblər ki, Trampın əsas məsləhətçiləri arasında ümumi konsensus var ki, Tehrana qarşı sərt iqtisadi siyasətə qayıtmaq lazımdır.
Tramp komandası həmçinin Venesuelaya qarşı mümkün addımları qiymətləndirir, lakin bu istiqamətdə strategiyanın təfərrüatları hələ açıqlanmayıb.