İstismar müddəti başa çatmış və istifadəyə yararsız olan döyüş sursatlarının təhlükəsizlik qaydalarına riayət olunmaqla Goran Təlim Mərkəzində 17 yanvar 2025-ci il tarixində məhv edilmə prosesi davam edir.
Bu barədə “Report”a Müdafiə Nazirliyinin mətbuat xidmətindən məlumat verilib.
“Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq”, – nazirliyin yaydığı məlumatda bildirilib.
Qeyd edək ki, 15-16 yanvar tarixlərində də istismar müddəti başa çatmış və istifadəyə yararsız olan döyüş sursatlarının Goran Təlim Mərkəzində məhv edilmə prosesi həyata keçirilib.