Amerikanın seçilmiş prezidenti Donald Trampın adanın ABŞ-a birləşdirilməsi təklifi ilə bağlı Qrenlandiya siyasətçiləri arasında geniş müzakirələr başlayıb. Onlar bu barədə The Wall Street Journal -a məlumat veriblər.
Onların fikrincə, apreldə Qrenlandiya parlamentinə keçiriləcək seçkilər ərəfəsində Danimarkadan müstəqillik məsələsi xüsusi əhəmiyyət kəsb edib. Qrenlandiya siyasətçiləri Trampın adanın krallıqdan ayrılmasına kömək edib-etməyəcəyini öyrənirlər.
Yanvarın 7-də Tramp bildirib ki, Qrenlandiya ABŞ-a qoşulmalıdır. O, Danimarkanın adadan imtina etmədiyi təqdirdə ona yüksək ticarət tarifləri tətbiq edəcəyi ilə hədələyib. Hətta ilk prezidentlik dövründə Tramp Qrenlandiyanı almağı təklif etmişdi. O vaxt olduğu kimi, Danimarka və Qrenlandiya hakimiyyəti bu fikri rədd etdi. (Tass)