ABŞ-ın yeni seçilmiş prezidenti Donald Tramp prezidentliyinin elə ilk günündə ölkənin cənub sərhədində qoşunların yerləşdirilməsi haqqında fərman imzalamaq niyyətindədir. Bu barədə Fox News məlumat yayıb.
Fərmana əsasən, ABŞ silahlı qüvvələri sərhəd mühafizəsini təmin etmək üçün ABŞ Şimal Komandanlığının koordinasiyası ilə göndəriləcək. Müdafiə Nazirliyinə maksimum əməliyyat effektivliyinə nail olmaq üçün hərbi resursları federal hüquq-mühafizə orqanları və kəşfiyyat orqanları ilə inteqrasiya etmək tapşırılıb.
Tramp həmçinin sərhəd divarının tikintisini bərpa etməyi, Co Bayden administrasiyasının miqrantlara humanitar icazə vermək praktikasına son qoymağı və miqrantlardan işlərinin ABŞ hüdudlarından kənarda baxılmasını gözləməyi tələb edən “Meksikada qal” siyasətini geri qaytarmağı planlaşdırır.
Telekanalın qeyd etdiyi kimi, bu tədbirlər sərhədlərə nəzarətin gücləndirilməsi və beynəlxalq cinayətkar qruplarla mübarizə məqsədi daşıyır. ()