ABŞ prezidenti Donald Tramp İsrailin hazırkı hərbi əməliyyatları nəticəsində başları üzərində damını itirmiş Qəzza zolağı sakinlərinin ərəb ölkələrinə köçürülməsini mümkün sayır. Amerika lideri bu barədə şənbə günü Las-Veqasdan (Nevada) Mayamiyə (Florida) uçarkən mətbuat hovuzundan jurnalistlərlə söhbətində bildirib.
Trampın Ağ Evin mətbuat fondu tərəfindən yayılan bəyanatlarından belə çıxır ki, o, artıq İordaniya kralı II Abdullah ilə bu mövzuda danışıb və Misir prezidenti Əbdülfəttah əs-Sisi ilə də müzakirə etmək niyyətindədir. “Mən onun insanları qəbul etməsini istəyirəm. Mən Misirin insanları qəbul etməsini istəyirəm. Orada [Qəzza zolağında] sözün əsl mənasında hər şey dağıdılıb, demək olar ki, hər şey dağıdılıb və orada insanlar ölür. Mən bəziləri ilə işləməyə çalışardım. Ərəb ölkələri və başqa yerlərdə mənzil tikirlər”, – Vaşinqton administrasiyasının rəhbəri bildirib.
Ondan problemin müvəqqəti həllini nəzərdə tutub-tutmadığına aydınlıq gətirmək istənilib. “Hər iki variant mümkündür, ya müvəqqəti, ya da uzunmüddətli ola bilər”, – deyə Tramp cavab verib. (Tass)