Yaxın vaxtlarda Qubada Soyqırımı Memorial kompleksi təmir olunacaq.
Bu barədə “Report”un Şimal bürosuna Mədəni İrsin Qorunması, İnkişafı və Bərpası üzrə Dövlət Xidmətinin rəisi Səbinə Hacıyeva bildirib.
O qeyd edib ki, düşmənlərin günahsız insanlara qarşı törətdiyi bu faciə bütün dünya ictimaiyyətinə çatdırılmalıdır:
“Hər dəfə ürək ağrısı ilə ziyarət edirik buranı. Yaxın zamanda kompleksdə təmir işlərinə başlanacaq. Güclü yağışlar nəticəsində kompleksin dam örtüyü yararsız vəziyyətə düşüb. Bir ilə yaxındır bu məsələ ilə bağlı işlərə başlanılıb. Smeta layihəsi hazırlanıb. Memorial Kompleks xüsusi materiallardan inşa edildiyinə görə, hazırda həmin materialların satınalınması prossesi gedir. Yaxın zamanda təmirə başlanılacaq.”