Bu ilin yanvar-fevral aylarında Azərbaycan 40,2 mln. ABŞ dolları dəyərində qızıl ixrac edib, bu da illik müqayisədə 5,9 dəfə çoxdur.
Bu barədə “APA-Economics” İqtisadi İslahatların Təhlili və Kommunikasiya Mərkəzinin (İİTKM) hazırladığı “İxrac icmalı”nın mart sayına istinadən xəbər verir.
Məlumata görə, ötən ilin müvafiq dövründə qeyd olunan göstərici 6,8 mln. dollar səviyyəsində olub.
Xatırladaq ki, ötən il Azərbaycan 211,8 mln. ABŞ dolları dəyərində qızıl ixrac edib, bu da illik müqayisədə 74,3% çoxdur.