NATO-nun Avropadakı Müttəfiq Qüvvələrinin Ali Baş Komandanı, ABŞ generalı Kristofer Kavoli bildirib ki, Avropa öz ərazisində uzun mənzilli hipersəs silahlarının yerləşdirilməsini tələb edib.
“Onlardan birinin (sistemlərin ) Avropada yerləşdirilməsi xahişi var. Bu barədə qapalı iclasda danışa bilərəm”, – o, ABŞ Senatının Silahlı Qüvvələr Komitəsində keçirilən dinləmələrdə deyib.
Kavoli həmçinin Vaşinqtonun 2019-cu ildə Orta və Mənzilli Nüvə Qüvvələri (INF) Müqaviləsindən çıxmasını vacib addım adlandırıb və bundan yararlanmağa çağırıb. (Tass)