Hollandiya və İsveç də daxil olmaqla 10-a yaxın Aİ üzvü Almaniyanın Britaniya və Kanadaya Aİ dövlətlərinin kollektiv silah alışında iştirakına icazə vermək planını dəstəkləyib. Bu barədə “Politico” qəzeti mənbələrə istinadən məlumat yayıb.
Onların məlumatlarına görə, aprelin 3-də Aİ səfirlərinin görüşündə belə bir təşəbbüsə dəstək bəyanatları səslənib.Lakin Almaniyanın Aİ-yə daxil olmayan ölkələri kollektiv silah alışı proqramına daxil etmək səyləri “Böyük Britaniyanın iştirakını rədd edən Fransanın müqaviməti ilə üzləşib”, – nəşr yazır.
Aİ diplomatının sözlərinə görə, “Fransa səfiri bu barədə kifayət qədər səs-küylü olub və bunun planın həyata keçirilməsində gecikmələrə səbəb olacağı barədə xəbərdarlıq edib”. Bir sıra rəsmilər bildiriblər ki, Fransa London və Brüssel arasında müdafiə və təhlükəsizlik razılaşması müqabilində Britaniya sularında daha yaxşı balıqçılıq hüquqlarını təmin etməkdə qərarlıdır.
Politico qeyd edir ki, Almaniyanın təklifi həmçinin Aİ-yə üzvlük namizədləri olan Ukrayna, Norveç, İsveçrə, İslandiya və Lixtenşteynlə və cəmiyyətin təhlükəsizlik və müdafiə üzrə tərəfdaş dövlətləri ilə “birgə silah alışını məhdudlaşdırır”. (Tass)